DIRGAHAYU DI HATI...

Inda ada kata untuk ku utarakan untuk mencerminkan kesiukkan Masitah masa bemain di padang. Sesuatu yang inda dirancang bila aku sama familyku ke padang, tau-tau ada bis C Alai ke padang jua.

Mula-mula Masitah telampau payah kan menandang bola. Kadang-kadang, masa ku membagi bola atu ah, bola pulang menandang kedidia. Tapi udah atu, meliat ia bis C Aidah belari di padang, aku pulang payah mengunjar kedidia. Telampau halus...

Tepikir ku masa aku membawa durang bemain di padang atu, kalau lah kami inda ada di padang malam atu, mungkin Masitah inda akan siuk belusir meround padang . Abis-abis meliat orang belari ganya. Sama meliat laki-laki yang bediri control macho pakai kupiah dapan bis c Kidah n Nurul.

Last-last, dapat jua C Masitah sama Adee Billah meluahkan paluh di padang. Sukur tah, Dirgahayu Sultan, Dirgahayu jua durang....

"Tu, apa tu di atas ah?" ...... "Asemennn....cantiknya bulan.... baik jua inda hujan. Mun inda, inda dapat bemain di padang...."


"cuba cari, mana C Masitah?, Kan halus kan.... payah diunjar. mun sudah kepampanan oleh C Aidah, mana lagi nampak... Aidah atu inda jua lampuh tu"

"Biarpun durang baru pernah bejumpa, inda ada ikatan saudara, tapi nampak mesra usulnya. Macam sudah selalu bejumpa. Mungkin atulah anugrah dari Dirgahayu"

"Iatah gelagat orang yang kena amanahkan untuk menjaga c Masitah ni. Nampak macam bodyguard udah tapi keraja durang bukan memata-matai c Masitah, tapi menawakan orang pulang. terutama laki-laki yang bediri dapan durang..."



"Kami adalah wakil Brunei ke Olympic di Bejing untuk acara padang, tapi malangnya nama kami inda kana registerkan"